82. Herinnerig
De radio steet an op ene
De pont oaver het IJ
Hef um hallef negen
In zien hen-en-weer goan
De oaverkante bereikt
Vanmergen ens gin règen
Wiej drinkt onze thee
Luustert nöör de radio
Lèèst de krante
Döörnoa brenge ik diee
Nöör de buren verderop
De katte löp een endjen mee
Het is glad – ik goa veurzichtig langes de rand
Ik komme der en ik stèke
Het Handelsblad in de brieevenbusse
Dat doo ik zes keer in de wèke
Stille schufele ik weerumme
Ik ontmoette mien oaverbuur
Een pröötjen make wiej
Al is het hier nieet wärrem
Op stroate een dikke musse
Pikt zöödjes uut bevroren peerdeviegen in de berrem
Het is rustig op dit vrogge uur
Thuus eigen vogel voeren
Radio gauw nöör twee
Bureaukleppe nöör beneej
Lampe an en nöör buten koekeloeren
Ik heure mien vrouwe en geluud van onze plé
Het löp allemoal vandage weer härtstikke mee
