30. Dom Deurdoon
26
Veur de soldoaten ’t wisten
Leien zee in kisten
Schoaten van moaten misten
Deurdat zee zich vergisten
27
Een mense kan bleujen
Möör mot èvenwels blooien
Wat blif noa zien greujen
Is altied een dooien
28
Lopen goan is nog gin kuieren
Lanterfanten is nog gin luieren
Wensen is nog gin verlangen
Möör … zitten is ook vake hangen
29
Zei het schööpken tut het lemmeken
‘k Huppele oaver dat demmeken
‘k Volg oe Moo – zei ’t lemmeken
met bibberend fien stemmeken
30
Neum lange slanke meikes lieever gin lange ölen
Dat dut een jonge keerl enkelt um te grölen
De meiden hebt dat deur en zekt vol leedvermaak
Zoo voele oeleballe, wee hef oe uutebraakt
31
Of ik heure Radio Oost, of ik heure Radio West
Ik heure umsgelieks heel hoog Haerlemmerdieks
Wat is van dat gedoo dan feitelijk de rente
Slechts ene krente in de pap … en dat is Umroep Drenthe
32
Miljoenen zaggen hem strukelen
En deur het dook hen kukelen
Komiek … zee lachten zich hoast rot
Möör Tommy Cooper was … kapot
33
Zoo lange as iej zelf goed kunt
Doot dan ens wat veur anderen
want is het leed op oe emunt
kui'j 't umsgeliek veranderen
