22. Bakken
> Categorie: Literatuur
Gepubliceerd: woensdag 04 november 2009
As moder an het bakken was
Dan roak het toch zo lekker
’t Ging in de oaven van ’t fernuus
Gin elektriek – gin droad – gin stekker
Briketten – eierkoalen – törven
Diee dejen mee met lekker roeken
En de allerkleinsten kwammen dan
Töt onder moders rokken kroepen
En as de keukskes donkerbruun
En wärrem op de schöttel laggen
Dan hielden wiej de köpkes schuun
Van al dat moois dat wiej dan zaggen
En vroegen wiej dan keukskeskrummels
Natuurlijk – diee bint veur de drummels
