471. Doot ter wat an!
An jongeluu
Bie een niej schooljöör
290818
-----
Ziee ‘j het lèven nieet meer zitten,
bi’j het stuur helemoal kwiet,
dan wördt het tied oe te bezinnen
op een heel niej lèvenslied.
Goat oe eerst wat oriënteren.
Kiek möör rustig in het rond.
Loat oe heel goed informeren;
dat alleen al is gezond.
En a’j zeukt nöör meugelijkheden
en iej vindt wat dat oe lig,
kiek dan goed wa’j der veur doon mot,
anders goa’j op oew gezich’!
Loat oe deur weerstand nieet weerholden!
Vecht veur oeweigen plaatse hier!
Slechts dan löt geluk zich dwingen
en zet de deure op een kier’!
Douw diee möör lös en goa nöör binnen!
Meschiens hei’j noe bereikt wa’j wilt.
Meugelijk gef het völle wille
en heb iej oe nieet vertild!
De tille lig achter de rugge.
Het meujlijkste heb iej ehad.
Ik denke dat iej dan kunt zeggen:
“Ik bin der en wiee dut mien wat!”
-----
Begin en loat oe nieet weerholden
deur allerhande flauwekul!
Doot ter wat an en wel metene!
Härd an het werk an, gin gelul!
-----
Crödde op woensdag 29 augustus 2018.
