462. NIEJ BEGIN
in Eelde wöörof ik noe bin
döör lig veur mien een vers-begin
en döör begin ik dan ook mee
ik storte mien kersvers derin
‘k bin vort uut Diepenveen egoan
‘k beginne an een niej bestoan
een heel leuk huusken heb ik noe
iej mot es kommen zeg ik oe
dan drinke wiej perla of dee-ee
brengt rustig nog wat gasten mee
mien kamer budt ons ruumte zat
‘k ontvange graag een man of wat
‘k leune tegen een verzörghuus an
met een restaurant wöör ‘k èten kan
dat doo ik hoastens elke dag
’t smaakt heerlijk wa’k ook èten mag
ruum veertien dagen woon ‘k noe hier
met een onneumelijk groot plezier
en da’k hier met een vers begin
kump deur mien grote lèvenszin
en dat ik zoo gelukkig bin
met dit kersverse niej begin
jonges wat een weelde
in mien nieje woonstee Eelde
-----
Crödde – dinsdag, 7 augustus 2018