426. VEURUUTGANK
Wat geet de tied toch gauw veurbie!
Vandage is al weer gister!
En märgen is al vandage noe;
ene kik en ’t nieje is ter.
Dit is de digitale tied.
‘k Wete nieet wat dat beduudt.
Möör ‘k heure wel steeds weer de kreet:
Wat goa we snel veuruut!
Ik ziee slechts achteruutgank noe,
as ik zoo umme mien kiek.
Wiej vernieelt de eerde met mekäre,
wiej, voele mensenkliek!
‘Wiej bint toch duurzaam bezig!’
rup jan en alleman,
möör ondertussen goa wiej deur
met vernieelen wat möör kan.
De ceejootweejuutstoot wördt meer
in plaatse dat het mindert,
duurzame energie opwekken
wördt politiek verhinderd.
Zoo heel snel nöör de ondergank
geet het mensdom op de eerde.
As dat veuruutgank heten mot … ?!
Een kreet met weinig weerde!
-----
Onze veuruutgank diee wördt ofestraft!
Diee eindigt met ‘Terug naar Af’!
-----
Diepenveen, 1 meert 2017.
