405. gedichtenwedstried? dat kan toch nieet!?

> Categorie: Literatuur Gepubliceerd: zondag 27 november 2016

veur värskesmakers

met humor

-----

o’k meedoo

met een gedichtenwedstried

zoo wier mien net evroagd

thema mot humor wèèn

loamienieelachen

met dit lachwekkende verzeuk

word ik härtstikk’ eploagd

het raakt mien humorsnöör

dieepe in zien bron

de kern van mien belèven

zoo van

iej Crödde

iej maakt

zon humording toch èven

wiee een dichtwedstried uutschrif

weet nieet wat dichten is

da’s humor

want hee weet döördeur

echt nieet wat of e mist

en dat kan ik onmeugelijk

uutsprèken of beschrieven

wiee dit antwoord nieet begrip

zal altied onwetend blieven

möör zon dichtwedstried

dööran doo ik nieet mee

met wiee nieet weet

wat dichten is

goa’k zeker nieet in zee

‘k hoape dat ’t de dichters

geriemd of ongeriemd goed geet

een humordichtwedstried

hoestmeugelijk

meikes en jonges

zek noe es

dat kan toch nieet?!

-----

Crödde op zundag 27/11/16

 

Wij gebruiken één cookie, die essentieel is voor het functioneren van deze website. Lees meer: Privacy & cookies.

  Ik accepteer deze cookie.
EU Cookie Directive plugin by www.channeldigital.co.uk