397. Donald Trump is Troef!

> Categorie: Literatuur Gepubliceerd: woensdag 09 november 2016

 

Woensdag, 09-11-2016

-----

Donald is ekoazen

töt president van de UweS!

Veur de peilers in de politiek

is dat een wieze les.

Ze vonden hem in ’t algemeen

een politieke boef.

Eén ding zaggen zee oaver het heufd:

Trump dat betèkent Troef !

-----

Dubnowalis dat is Keltisch

en betèkent ‘werelvorst’.

Donald is döörvan ofeleid,

gin name veur een hansworst!

Donald Trump, Wereldvorst Troef,

de name is een tèken.

Hee kon de Clintons döörmee

nöör de Krone stèken!

-----

Hee hef ze allemoal’ ofetroefd,

de demokroaten en zien moaten!

Hee hef ze in de ofvalrees

wied achter zich eloaten.

De oaverwinning was een feit!

’t Viel noa het tellen

van de stemmen

volstrekt nieet te ontkennen.

Veur ieder in de wereld is

dat toch wel èven wennen!

-----

Wereldvorst Troef is noe een feit!

Hee hef het echt ewonnen.

Het duurt möör èven töt e denkt:

‘Wöör bin ik an begonnen?’

Ik stoa buten de politiek,

heb ter niks mee te maken:

Ik holle mien vaak bezig

met hele and’re zaken.

Möör ik vind Donald Trump

toch wel een echte boef,

möör … nomen est omen …

Donald Trump is Troef!

-----

Crödde

 

Wij gebruiken één cookie, die essentieel is voor het functioneren van deze website. Lees meer: Privacy & cookies.

  Ik accepteer deze cookie.
EU Cookie Directive plugin by www.channeldigital.co.uk