385. VERKEERD TUT HET VERKEERT
Mien mooie lange lèven
dat hef mien wel eleerd
der goat een bende dinger goed
möör een boel ook kats verkeerd
-----
Mien vrouwe is een schätjen
Dat he’k altied beweerd
Mien hele lèven heb ik
heel graag met haer verkeerd
-----
Ik rieje nog steeds auto
Dat he’k al jong eleerd
De laatste twintig jören
heb ik schadevriej verkeerd
-----
Drinke gin zwärte koffie
Dat lik wel bruun eteerd
Gebruke een boel melluk
Drinke koffie verkeerd
-----
Tut stof zul iej verkeren
hef mien biebel mien eleerd
Diee medalje hef twee kanten
Één goed d’ander verkeerd
-----
En hoe de mens op eerde
zich mindert of vermeert
de wereld blif an ‘t wärren an
tutdat ze kats verkeert
-----
Crödde – Zundag, 9 oktober 2016