384. OERMODER
> Categorie: Literatuur
Gepubliceerd: vrijdag 07 oktober 2016
Veur ons allemoale
-----
In mien eigen is mien thuus
Wat in mien is
is in mien heim
Der bint van diee dinger
wöör of ik mien veur schame
Der bint van diee dinger
wöör of ik trots op binne
Der bint van diee dinger
diee ik veur anderen
nieet weten wille
of nieet kenne
Ik holle ze in huus
Ik holle ze in heim
Ik holle ze geheim
Ik bin een eigenheimer
Één geheim ken ik zeker nieet
mien eigeheim
-----
Alle mensen hebt hun geheimen
Ze bint menseneigen
Der is niks mis mee
Ze heurt bie hun thuus
Ze bint eigenheimers
eigeheimers oke
Zee kent hun eigeheim nieet
-----
Loat oew geheimen
oew geheimen blieven
Oew geheimen bint
roadsels veur anderen
Ze holdt oe in de belangstelling
Geheimen
Eigeheimen kent eigenheimers nieet
vruchtbeginsels
OERMODER
-----
Crödde – Donderdag, 6 oktober 2016
