369. Eeuwigheid in Ogenblik

> Categorie: Literatuur Gepubliceerd: maandag 18 juli 2016

Veur De Kosmos

-----

Ik ligge in bedde

Het licht trek ik uut

De kamer wördt donker

a’k mien kiekvensters sluut

Dan kiek ik nöör binnen

De Kosmos in

Ik make een reize

nöör ende en begin

deur De Kosmos binnen

want in mien is ’t Heelal

En döörin binne ik weer

een kronkelend geval

Ik wete dat ik reize

deur mien eigen brein

Met De Kosmos bin ik ene

En dat geveul vind ik fein

Al reizend maak ik schone

mien daaglijks lèvenspad

en ook dat van mien noakroost

en diee het lèven hebt ehad

an het end van de reize

bi’k weer bie mien terugge

Ik ligge nog een tiedjen

heel stille op de rugge

Ik beseffe De Kosmos

hef gin begin en gin ende

Ik kan der nieet uut

hoe o’k mien kere en wende

ik bin van De Kosmos

en De Kosmos dat bin Ik

zonder begin en zonder ende

Ogenblik in Eeuwigheid

Eeuwigheid in Ogenblik

-----

Crödde van Niessel –

Moandag, 18-den van heujmoand 2016

 

Wij gebruiken één cookie, die essentieel is voor het functioneren van deze website. Lees meer: Privacy & cookies.

  Ik accepteer deze cookie.
EU Cookie Directive plugin by www.channeldigital.co.uk