362. KIEKEN

> Categorie: Literatuur Gepubliceerd: woensdag 22 juni 2016

genieet toch van het lèven

dat kui’j toch möör zoo kort

en loop nieet steeds te denken

eerst kieken wat of ’t wördt

-----

mag iej soms graag bewègen

en hol iej soms van sport

loat het dan nieet bie kieken

doot oeweigen nieet te kort

-----

en goat ter nieet bie zitten

want dan geet het kats verkeerd

a’j enkeld zit te kieken

hei’j echt lèven gauw verleerd

----

iej mot enkeld goan kieken

bie wateroaverlast

hulpe bie dichten dieken

dat is wat oe dan past

-----

en kiek nieet an töt märgen

wa’j vandage nog könt doon

meschiens is ter gin märgen meer

en bi’j al uut oew doon

-----

töt slot mien mooie motto

veur ärremen en veur rieken

ook märgen kui’j den Iesselt zieen

möör goat vandage kieken …

-----

Crödde – Woensdag, 22 juni 2016

 

Wij gebruiken één cookie, die essentieel is voor het functioneren van deze website. Lees meer: Privacy & cookies.

  Ik accepteer deze cookie.
EU Cookie Directive plugin by www.channeldigital.co.uk