337. Vandage
-‘k Mot binnenkort eksamen doon
Niks heb ik nog edoan
Ik dörve straks ageenieet nöör
’t eksamen too te goan-
- Och, jonge, lig oew disse zaak
zoo stikzwöör op de mage
Wèès dan verstandig, an de slag
as ’t effen kan vandage –
-----
Mien nève drinkt zich elke dag
een flink stuk in de krage
Al jören geet dat al zoo deur
Zee kan ’t nieet meer verdragen
Zee wördt as mien nève zat is
zoo vreselijk eslagen
dat zee der ens vandeur geet
meschiens al wel vandage
-----
Wat een mens dadelijk goed doon kan
dat mot e nooit uutstellen
Dat zal oe elk wies mense
vaker as ens vertellen
Ik heb dat in een leuze vermeld
ene die oe wel zal lieken:
Ook märgen kui’j den Iesselt zieen
Möör goat vandage kieken
-----
Ziee: het motto in “Een Dèventer jonge in Oorlogstied”
Crödde van Niessel
Diepenveen, vriedag 6 mei 2016
