187 Older worden

> Categorie: Literatuur Gepubliceerd: zondag 03 juli 2011

Bie older worden mot een mense nieet bie stille stoan    

Met twee keer ‘bie’,  zoo zei mien moder dat    

Dat twee keer ‘bie’, joa, joa, dat deej mien wat    

Zee nam het older worden in de tange bie haer goan    

Bie older worden mot een mense nieet bie stille stoan    

Mien moder kenden weinig van de stijl en de grammatica    

Ook kenden zee gin stereometrie en algebra    

Zee deej gewoon ‘dom deur’ met verder goan    

Bie older worden stoat de meesten wel vaak stille    

Zee veult het as een last diee’j beuren mot    

Zoo glidt hun laatste lèvenstied heel ongemerrekt vort    

En niks meer ondernemt ze op hun eigen vrieje wille    

Ze wordt elèèfd, kunt heel gauw minder as een kind    

Um reden dat ze nieet meer older wordt, möör al old bint 

-----------------------------------------------------------------------  

Herzieen op zundag, 3 juli 2011  
 

Wij gebruiken één cookie, die essentieel is voor het functioneren van deze website. Lees meer: Privacy & cookies.

  Ik accepteer deze cookie.
EU Cookie Directive plugin by www.channeldigital.co.uk