28. Doorbetalen in Vierduiten
In de wieege een leef wichtsken
Met een roazig rood gezichtsken
In elk eugsken een fien lichtsken
Een schilderieken een gedichtsken
11De road vergadert elke moand
De burgemeester zit hem veur
De stukken holdt het proaten goand
De roadsluu kult nöör eigen kleur
12Peeveedeejaa – dat nooit
Veeveedeej an ’t woord
Vrede weer verstoord
Goeie kans vergooid
13In de gang stond hee – verwèzen
Ogen nöör het grote bord
Denkend – Wat scheet ik tekort –
Dee grote kerel kon neet lèzen
14Hee mocht mien Dèventer graag heuren
Möör hee zelf, hee sprak het neet
EN DAT DEEJ HEM BEST VERDREET
“’t Komt da’k in Leije ben gebeure’”
15Hee stond te vissen in de zunne
An den Iesselt – Wat een weer
Hee had nog meer geluk disse keer
Hee ving een gloepens vette munne
16‘k Geleuve dat ik völs te völle proate
al dat genööl dat jög de mensen vort
Ik denke dat van noe ofan dat anders mot
Vanof vandage zal ik het nölen loaten
17Kees Janssen vond zien eigen heel veurnaam
En elleboagden zich fors peddelend nöör veurten
Wim Smit zei dat hee zich most schamen
Ginene geet derveur, wiej goat hier umstebeurten