434.Ikke Negentig!? Prachtig!?
An Mieneigen
Legernummer: 270929060
Op 17082908.45
-----
elèzen heb ik het en ik had het tèvens al eheurd
dat ene op de vier inwoners van ons land
al of nieet met ere negentig worden völt te beurt
dat is wöörempel mooi möör het löp wel uut de hand
-----
want kriege wiej de oaverhand wiej olden
kreupele wiejluu langes de weg in hele horden
en binne wiej nieet langeder meer in de zörg te holden
dat zal dan bie een heleboel van ons een heel geheister worden
-----
ik hoape oaver ene moand diee lèèftied te behalen
verwachte dat ik mieneigen dan nog steeds goed redden kan
want as ze mien mot helpen met wassen, èten, poepen, klejen, plassen
wete ik nieet of ik dat innerlijk wel goed verdragen kan
-----
möör jonge, denke ik, nog möör nieet getreurd, iej bint negenentachtig
gelukkig en gezond: op nöör de negentig?! toch prachtig!?
-----
Crödde van Niessel – op dinsdag, 29/8/2017
