432. riemen en dichten
an mien meesters
het riemen geet mien aerdig of
ik kenne völle soorten
op schole eleerd as oefenstof
lös gingen mien de poorten
ik leerden de riemen allemoal’
van J.A. Rispens en W.H. Staverman
op de haabeejes bie het vak toal
diee Rispens kon der heel wat van
en van de bereumde A. P. de Bont
kreeg ik op de kweekschool’ les
hee was een toalkundig fenomeen
beheersten het vak wel heel ärg bes’
met twee boken van Den Hertog
diee koch’ iej tweedehands
wier ik töt leraer opeleid
ik wiere heel wat mans
möör dichten heb ik nooit eleerd
een poëet bin ik echt nooit ewest
slechts of en too krieg ik de geest
en feitelijk vind ik dat best
oke De Bont en Staverman
diee konden der nieet völle van
riemen en dichten bint twee dinger
diee mekäre aerdig raakt
möör al riemt een stuksken stevig
dan hei’j nog gin gedicht emaakt
der is namelijk één groot verschil
een gedicht welt op buten oew wil
het welt op uut de lèvensbron
wöör alle lèven ens begon
Crödde – vriedag, 18 augustus 2017
