425. Allerhande Beloften
Veur alle stemgerechtigden bie
de TWEEDE KAMER – verkieezingen
op 15 meert 2017
-----
In ieder mensenlèven wördt heel wat too-ezegd.
De vroage is wat van diee toozeggingen in feite wördt voldoan!
Beloften wordt vergèten; der kump vaak weinig van terecht’.
In völle mensenlèvens is dat teminsten zoo egoan.
Noe is het weer verkieezingstied: ze beloaft weer golden bergen
an alle mensen diee al tussen wal en schip evallen bint,
diee hoast ten onder goat en stantepede denkt: Hoe mot het märgen?
Mocht het e zoo wèèn dat oke veur ons het dagelijks geluk begint!
-----
De politieke kopstukken bint weer veurtdurend onderweg.
De enend dut nog mooiere beloften as de ander!
Wat kump ter feitelijk terechte van wat wördt too-zegd?
Of maakt zee allemoale hun eigen weer te schande!?
Ik wete nieet op wat of wiee ik disse reize stemmen mot!
Helaas mis ik bie de pärtiejen ‘Veur Elk Wat Wils’ of ‘Allerhande’!
----
Vriedag, 10-den van Sprokkelmoand 2017
