416. VREMD!
> Categorie: Literatuur
Gepubliceerd: donderdag 15 december 2016
Kerst noadert
en ontheemden bint nog onderweg.
Een herberg könt
de meesten nog egeenieet vinden!
Ze mot vaak buten sloapen
onder de kale linden
en kolde liejen:
Wiej behandelt hun heel slecht!
-----
Wiej lèèft hier
met christelijke normen en weerden.
Dat zekt de luu
diee dat alles weten könt,
möör veur vremden is
nog steeds gin plaatse in de herberg:
een plaatse diee ook Christus
echt nieet wier egönd!
-----
Nederland veur de Nederlanders
telt bie dit christenland.
Wat is ter in Gods name
toch met ons an de hand?
As christelijke natie stoa
wiej deurlopend in ons hemd.
Nieet diee an onze deuren
kloppen komt,
bint vremden:
Wiej bint vremd!
-----
Crödde – Woensdag, 14-12-2016
