393. 'DE KONTE'
een bejöörde man vertelt hier
ik tikke het veur hem
hee weet dat ik dat heel graag doo
möör met mien eigen stemm’
-----
’t was in de jören dertig
zeumer en vakantietied
wiej konden heerlijk buten spöllen
en Moder was ons kwiet
-----
wiej spölden an den Iessel
in diee feine vrieje tied
en as de zunne lekker scheen
leek de wereld wagenwied
-----
wiej visten bie de strontsluze
dike drollen dreven in de rondte
het stonk ter vies nöör poep en pis
het was net een vette voele konte
-----
de Iessel leek echt op een konte
twee billen en een spleet
wöör alles vriej deurstreumen kon
stinkende mensenreet
-----
de bille an de gunne kante
was de Terwoldse zeumerdiek
disse Dèèmter-Diepenveense kante
was an De Platvoet zon diek riek’
-----
de Iessel was de voele reet
te vies um in te zwemmen
toch wazzen wat dat anbelangt
de kinderen nieet of te remmen
-----
ens zwomme ikzelf weer in de rondte
en kreeg een drolle in de mond
toen zwom ik nooit meer in ‘De Konte’
want dat leek mien heel ongezond
-----
Crödde van Niessel, n. a. v. ‘De Halve Konte’
