372. TALEN
> Categorie: Literatuur
Gepubliceerd: dinsdag 02 augustus 2016
Veur Moder (1899-1984)
en
Vader (1894-1959)
-----
Ik bin nieet zon geleerde man
Ik sprèke nieet zon boel talen
Mien Nederlands kan dermee deur
Veur de rest is het möör balen
-----
Toch redde ik mien met Duuts en Frans
en Engels ook wel wat
Mien Dèventers dat geet heel best
de taal dus van mien stad
-----
Diee taal heb ik goed bestudeerd
samen met een boel anderen
Het wier welhoast een dooie taal
niks meer an te veranderen
-----
Ik doo mien beste met een boel luu
het Plat nog lange te proaten
En verder kan ik slechts mien taal
an de tookomst oaverloaten
-----
As het Nedersaksisch ooit verdwient
wördt dat ontzettend balen
Wat zult dan een boel lieefhebbers
Nöör de vergangen tied talen
-----
Crödde – Dinsdag, 2 augustus 2016
