343. Dooien en Vrieezen
Veur Douwe Bob en Max Verstappen
Heel Nederland kent Douwe Bob
en oke Max Verstappen
De enend kan goed kwelen
de anderen het gas intrappen
Douwe Bob diee zong in Zweden
en Max diee reej in Spanje
Ze vochten beiden veur één kleur
en dat was dus Oranje
Oranje dat is Nederland
dat weet het kleinste kind
En alle Nederlanders bint
Oranje goed gezind
Miljoenen hebt noe plotseling
dan ook verstand van zingen
Douwe Bob dat is de besten
Diee mot gewoonweg winnen
En Max Verstappen kan zoo virtuoos
het gaspedaal intrappen
Diee wint de Grote Pries van Spanje
wat een ieder wel zal snappen
-----
In Zweden bleek veur Douwe Bob
gin ere te behalen
In de finale wier e ellufde
en dat was èven balen
In Spanje won Verstappen
veur het eerst de Grote Pries
Toen ik dat dus veurspelden
vonden ze mien heel onwies
Ik weet wel hee is nog een kind
döörvan hef e gensgin hinder
want de eerste pannekoke is
altied nog veur de kinder
Al bin iej nog zoo goed
het is winnen of verlieezen
Ook as het lente is
kan het dooien möör ook vrieezen
En jonge Douwe Bob
en nog jonger Max Verstappen
hebt Nederland völ goeds edoan
wat beiden wel zölt snappen
-----
Crödde – Dinsdag noa het pinksterweekende 17-05-2016
