183 Ik
Een lesse oaver politiek en staatsinrichting
an een andachtig en geïnt’resseerd geheur
Zee dachten nieet allenig an hun stroatverlichting
möör spitten saam met mien de hele natie deur
’t Ging oaver Krone, Road van State, Binnenlandse Zaken
oaver politie, wegverkeer en rechterlijke macht
Dat döör zoovölle inzat, hadden zee nooit edacht
‘k Heb veur de mensen een boel dinger kunnen raken
Möör wööumme neumt ze politiek zo “voel”
vrieg één cursiste an het ende heel benepen
“Sommige mensen hebt in hun lèven möör één doel
en dieent dat doel geniepig en geslepen
Zee hebt heel dudelijk lak an de hele boel
Zee hebt het enkeld op hun eigen IK begrepen"
-----------------------------------------------------------
Ontstoan in 1987. Dinsdag, 28 juni 2011.
